Jake Paul, influencuesi i njohur i rrjeteve sociale i kthyer në boksier profesionist, arriti një fitore të madhe ndaj ish-kampionit të botës në peshat e rënda, Mike Tyson, shkruan A2 CNN.
Ndeshja e shumëpritur u zhvillua të premten mbrëma në Arlington, Teksas, përpara një publiku prej 72,300 tifozësh në stadiumin AT&T, shtëpia e Dallas Cowboys.
27-vjeçari Paul dominoi shumicën e raundeve dhe fitoi me vendim unanim të gjyqtarëve, duke u bërë boksieri i gjashtë që arrin të mposhtë Tyson-in në karrierën e tij të lavdishme. Kjo fitore i jep Paul-it një bilanc të përgjithshëm prej 11 fitoreve dhe vetëm një humbje në karrierën e tij profesionale, ku përfshihen edhe shtatë fitore me nokaut.
Tyson, 58 vjeç, tregoi se ishte larg kohëve të arta, megjithatë arriti të qëndronte në këmbë për 8 raundet e takimit. (A2 Televizion)
A2 CNN Livestream
MUND TE LEXONI GJITHASHTU
