Max Verstappen ka fituar garën Sprint të Çmimit të Madh të Singaporit, duke konfirmuar formën e tij të shkëlqyer në pistën e Marina Bay.
Piloti i Red Bullit, i cili ishte nisur nga vendi i parë, arriti të triumfonte në një garë të karakterizuar nga reshjet e shiut dhe incidentet në pistë, shkruan A2.
Për shkak të shiut, nisja e garës u shty, ndërsa në momentin e startit Verstappen humbi përkohësisht kryesimin ndaj George Russell. Megjithatë, piloti britanik i Mercedesit nuk arriti ta shfrytëzonte avantazhin, pasi u përplas me barrierat në xhiron e dytë dhe u detyrua të braktiste garën.
Në vendin e dytë u rendit Lewis Hamilton, i cili bëri një nisje të shkëlqyer dhe arriti të siguronte një rezultat të rëndësishëm për skuadrën italiane. Podiumin e plotësoi Charles Leclerc me Ferrarin tjetër.
Ndërkohë, Kimi Antonelli e mbylli garën në vendin e katërt, duke fituar sërish terren në raport me shokun e tij të skuadrës, George Russell, dhe duke “blinduar” kreun e klasifikimit të përgjithshëm për pilotë.
(A2 Televizion)
A2 CNN Livestream
MUND TE LEXONI GJITHASHTU
