Diego Armando Maradona është gjallë. Madje, sipas tifozëve të Boca Juniors ishte shpirti i legjendës argjentinase, ai që shpëtoi skuadrën nga pësimi i një goli të sigurt, gjatë Superclasicos kundër River Plate.
Ishte minuta e 88-të e ndeshjes, me rezultatin në barazim 1-1. “Millonarios” ishin pranë shënimit të golit të fitores, me topin që duke jse po shkonte drejt rrjetës. Por, në momentin e fundit, sfera ndryshoi trajektoren në mënyrë të papritur dhe Boca arriti të evitonte humbjen.
Pas ndeshjes, për tifozët kjo ishte ndërhyrja hyjnore e Maradonës. “Faleminderit Diego” ishin thirrjet e tyre, me mbështetësit që e cilësuan këtë një mrekulli të realizuar nga ëngjëlli mbrojtës i “xeneizes”.
Në rrjetet sociale qarkulluan meme të shumta, me fotografitë e ndërhyrjes hyjnore të Pibede Oro. Maradona u nda nga jeta më 25 nëntor të vitit 2020. Mes hetimeve dhe akuzave se vdekja e legjendës ishte në fakt “vrasje me paramendim për të përfituar nga pasuria e tij”, Diego mbetet një idhull i padiskutueshëm. Në shkallët e Bomboneras për ndeshjen Boca-River ishin vendosur shumë flamuj dhe foto meZotin e Argjentinës. (A2 Televizion)
A2 CNN Livestream
MUND TE LEXONI GJITHASHTU
