Politikani Petro Koçi deklaroi se patronazhistët e PD-së po pengojnë protestën e studentëve që të kthehet në një parti politike.
I ftuar në emisionin “Off the Record” nga Andrea Danglli në A2CNN, Koçi tha se selia blu nuk ka interes që protesta të kthehet në subjekt elektoral, sepse eliminon opozitën aktuale.
Megjithatë sipas tij protestuesit e kanë detyrim që të dalin me një subjekt elektoral, duke qenë se janë kundër dy palëve PS-PD.
“Ne kemi një protestë që pretendon se është kundër gjithë klasës politike, ose dy palëve të politikës. Është detyrim i tyre që ta formalizojnë të gjithë këtë lëvizje në një platformë politike të institucionalizuar. Që do të thotë subjekt elektoral, parti politike. Përndryshe mbetet e gjitha një lloj retorike bosh, pa shkuar asgjëkundi. Unë mendoj që ndoshta brenda lëvizjes, brenda protestës, duhet të jenë patronazhistët e PD që e pengojnë këtë gjë. Nuk ka interes PD që kjo lëvizje të kthehet në një subjekt elektoral, sepse ajo eliminon opozitën aktuale, që është e përfaqësuar në Parlament. Edhe në peticionin e pedagogëve kishte shumë nga këta të PD-së. S’ka interes PD-ja që ata të formatojnë një forcë politike”, tha Koçi. (A2 Televizion)
A2 CNN Livestream
MUND TE LEXONI GJITHASHTU
