Të armatosur për të mbrojtur lokalin e hapur, arrestohen nga sherifi

Pronarja e një lokali në Teksas dhe gjashtë burra të armatosur u arrestuan për shkak se po thyenin rregullat e karantinës në shtetin amerikan.

Sipas mediave amerikane, Gabrielle Ellison, kishte rihapur barin e saj në kundërshtim me rregullat për frenimin e përhapjes së koronavirusit, ndërsa personat e armatosur ishin rreshtuar para lokalit për të siguruar që askush të mos e mbyllte.

Por efektivët e Sherifit të Odesës u detyruan të thërrisnin armatimet e rënda, për të zmbrapsur protestuesit e armatosur, pjesë të organizatës “Open Texas” – “Hapni Teksasin”, që kundërshton mbylljen e bizneseve.

Sipas udhëzimeve të fundit, mbetet ende e paqartë nëse baret do të hapen më 18 maj, një afat i vendosur për fazën e tretë të rihapjes në Teksas. Atje janë konfirmuar më shumë se 33 mijë raste me Covid-19, ndërsa numri i viktimave është raportuar mbi 900.

Protesta të tilla, shpesh edhe të dhunshme, janë mbajtur në disa shtete amerikane, si Nju Jorku dhe Kalifornia. Ndërsa ditë më parë, në parlamentin e shtetit të Miçiganit, protestues të armatosur u futën brenda godinës për të kundërshtuar zgjatjen e gjendjes së emergjencës. (A2 Televizion)