Spektakël shqiptar në kampionatin turk! Ernest Muçi dhe Qazim Laçi ishin protagonistët absolutë të një ndeshjeje dramatike mes Rizesporit dhe Trabzonsporit, që përfundoi me rezultatin 3-4.
Ndeshja nisi më mirë për vendasit, që shkuan në dhomat e zhveshjes me avantazhin e dy golave, shkruan A2 CNN. Por pjesa e dytë solli një histori krejt tjetër, me protagonistë dy futbollistët e Kombëtares shqiptare.
Ernest Muçi ndezi motorët dhe u shndërrua në makinerinë e asistimeve. Fantazisti kuqezi ishte vendimtar në përmbysjen e Trabzonsporit, duke dhënë tri asiste dhe duke kontribuar drejtpërdrejt në katër golat e skuadrës së tij.
Por përgjigjja shqiptare erdhi edhe nga krahu tjetër. Qazim Laçi realizoi një gol spektakolar nga distanca, duke treguar edhe një herë cilësitë e tij në mesfushë.
Në fund, Trabzonspori festoi fitoren 4-3, në një sfidë ku Muçi dhe Laçi lanë gjurmën e tyre.
Një mbrëmje e madhe për dy kuqezinjtë, që konfirmojnë formën e mirë në Turqi dhe japin sinjale pozitive edhe për Kombëtaren shqiptare. (A2 Televizion)
A2 CNN Livestream
MUND TE LEXONI GJITHASHTU
