Në intervistën para ndeshjeve eliminatore të Kampionatit Europian ndaj Rumanisë dhe Bjellorusisë, trajneri i Kombëtares së Kosovës, Alain Giresse, foli edhe për futbollistin e Royal Antëerp, Arbnor Mujën, i cili është kthyer në një çështje te Dardanët pasi ditët e fundit është folur edhe për një mundësi bashkimi të tij me Kombëtaren e Shqipërisë.
Giresse u shpreh se nuk e kishte grumbulluar mesfushorin pasi ky i fundit i kishte kërkuar garanci për një vend titullari.
Por nuk ka zgjatur shumë dhe Muja ka reaguar me anë të një statusi në Facebook ku shkruan se deklarata e trajnerit francez është e pavërtetë.
Deklarata e trajnerit Giresse që unë i kam kërkuar vendin titullarë në ndeshjet e qershorit, është e pavërtetë. Me selektorin Giresse dhe ndihmësin e tij kam biseduar gjatë pjesëmarrjes time në ndeshjet e marsit. Kërkesa ime ka qenë se ku qëndroj në planet e selektorit Giresse për ndeshjet e ardhshme dhe pse nuk jam paraqitur kundër Izraelit dhe Andorrës. Unë i kam treguar që mendoj që ka qenë e padrejtë mosprezenca ime në ndeshjet e marsit”, ka shkruar futbollisti.
Në fund të statusit të tij, Muja i uron suksese përfaqësueses së Kosovës, e cila më shumë duket sikur tashmë i ka mbyllur dyert. Megjithatë për të parë se në cilën kombëtare do ta shohim lojtarin që u shpall kampion në Belgjikë na duhet të presim ndeshjet e ardhshme të kombëtareve. (A2 Televizion)
A2 CNN Livestream
MUND TE LEXONI GJITHASHTU
