Ambasadorja e SHBA në Tiranë, Yuri Kim ka ndarë këtë të diel me ndjekësit në rrjetet sociale një mesazh të ambasadorit të parë amerikan në Shqipëri në vitet 1991-1994, Ëilliam Edëin Ryerson.
Në mesazhin e publikuar nga ambasadorja Kim, diplomati Ryerson kujton në 30-vjetorin e rivendosjes së marrëdhënieve diplomatike mes dy vendeve një moment prekës, kur një polici shqiptar i rridhnin lotët, teksa dëgjonte fjalët e Sekretarit Baker se: “Ne jemi me ju dhe ju jeni me ne”, gjatë vizitës në Shqipëri.
“Ndërsa po i afrohemi fundit të vitit 2021, i cili shënon 30 vjetorin e rivendosjes së marrëdhënieve midis Shteteve të Bashkuara dhe Shqipërisë, doja të ndaja këtë mesazh të Ambasadorit Ryerson, sidomos duke filluar nga minuta 2:09:
“Një nga momentet më treguese ndodhi gjatë vizitës së Baker. Ndërsa Sekretari po fliste, unë po qëndroja pranë makinave të autokolonës, pranë një polici shtatlartë e të ngrysur. Ndërsa Baker tha “Ne jemi me ju dhe ju jeni me ne”, pashë një lot të rridhte në faqen e atij polici”.
Ky moment tregues i rrëfyer nga Ambasadori Ryerson është po aq i fuqishëm, i rëndësishëm dhe i vërtetë sot sa ishte 30 vjet më parë. Le të mos harrojmë. Shtetet e Bashkuara dhe Shqipëria gjithnjë e mbajnë njëra-tjetrën afër”, shkruan ambasadorja Kim.
. (A2 Televizion)
A2 CNN Livestream
MUND TE LEXONI GJITHASHTU
