Të tjera parcela me lëndë narkotike kanabis sative janë zbuluar në fazën e 26-të të megaoperacionit policor antikanabis të koduar “Territor i pastër” në zonën e Krujës dhe fshatrave përreth.
Në njoftimin e saj për këtë rast, policia bën me dije se u asgjësuan nëpërmjet djegies 480 bimë narkotike kanabis sativa, të cilat u zbuluan në territoret e fshatrave Kroi i Madh, Mafsheq, Shqezë, Krastë dhe Picragë.
Bimët narkotike ishin mbjellë në zona malore në pyll, ndërkohë që në operacion u përfshinë 17 grupe kontrolli me 140 punonjës policie dhe u përdorën 11 dronë.
Strukturat hetimore, në bashkëpunim me Prokurorinë, vijojnë punën për identifikimin dhe kapjen e autorëve të kultivimit të bimëve narkotike. (A2 Televizion)
A2 CNN Livestream
MUND TE LEXONI GJITHASHTU
