Ish-presidenti i SHBA Donald Trump u pa në një kampionat mundjeje në qytetin Tulsa, pasi tha se pret të arrestohet të martën që vjen, ndërsa prokurorët e Nju-Jorkut e akuzojnë për pagesat të paligjshme ndaj aktores së filmave pornografikë, Stormy Daniels, për të mbajtur të fshehtë një raport intim mes tyre.
Fotot e marra nga USA TODAY treguan Trump duke mbërritur përpara ngjarjes me senatorin e Oklahoma, dhe duke bërë me dorë spektatorëve. Një nga avokatët e Trump tha se pretendimi i tij se do të arrestohet, bazohej në raportimet e mediave se ai mund të paditet javën e ardhshme.
Nëse Trump akuzohet, kjo do të ishte çështja e parë penale e ngritur ndonjëherë kundër një ish-presidenti të SHBA. Do të kishte gjithashtu pasoja serioze që të bëhej kandidat republikan për president në zgjedhjet presidenciale të vitit 2024. (A2 Televizion)
A2 CNN Livestream
MUND TE LEXONI GJITHASHTU
