Incidentet në Indonezi, ku të paktën 174 persona kanë humbur jetën në fund të një ndeshjeje futbolli, janë tashmë pjesë e listës së tragjedive të mëdha që kanë ndodhur në këtë sport përgjatë historisë.
Tragjedia më e madhe ndodhi më 24 maj 1964, në stadiumin kombëtar në Lima, ku 328 persona humbën jetën dhe 800 u plagosën gjatë një ndeshjeje mes skuadrave të Perusë dhe Argjentinës. Në Evropë, tragjedia e Heysel (Bruksel), më 29 maj 1985, ku 39 persona humbën jetën dhe 117 u plagosën rëndë, është ende në mendjen e shumë fansave. Pa hyrë në dhunën e shkaktuar nga akte politike apo të tjera josportive, më sipër po ju rendisim incidentet më të rënda (me më shumë se 50 vdekje) në historinë e futbollit. (A2 Televizion)
24 maj 1964 - 328 tifozë vdiqën dhe 800 u plagosën në stadiumin kombëtar në Lima, në një ndeshje Peru-Argjentinë. Policia hodhi gaz lotsjellës kundër turmës që ishte bllokuar para dyerve të mbyllura, pas protestave për anulimin e një goli lokal. Shumica e vdekjeve ishin për shkak të mbytjes dhe traumës.23 qershor 1968 - 71 persona humbën jetën, kryesisht për shkak të asfiksimit, dhe 150 të tjerë u plagosën në Buenos Aires, në një ndeshje midis River Plate dhe Boca Juniors. Disa tifozë lëshuan flakadanë dhe turma e tmerruar besoi se ishte zjarr. Njihet si “Tragjedia e Portës 12”.2 janar 1971 - 66 persona vdesin dhe 150 të tjerë lëndohen në stadiumin e Glasgow Rangers, kur qindra tifozë grumbullohen në portat e hyrjes pas një goli të shënuar në minutat e fundit të ndeshjes kundër Celtic.20 tetor 1982 - 340 tifozë vdesin (megjithëse zyrtarisht Rusia ruan shifrën e vetëm 62 të vdekurve) dhe 1000 të tjerë u plagosën pas ortekut në stadiumin Lenin në Moskë, gjatë ndeshjes së Kupës UEFA që luajtën Spartak dhe Haarlem.11 maj 1985 - 56 njerëz vdesin dhe më shumë se 265 plagosen kur tribuna kryesore e stadiumit Valley Parade, në Bradford (Angli), merr flakë kur luhej ndeshja e Kategorisë së Tretë midis ekipit vendas, Bradford City dhe Lincoln.29 maj 1985 - Në stadiumin Heysel të Brukselit, 39 tifozë vdiqën (32 italianë, katër belgë, dy francezë dhe një britanik) dhe 117 pësuan lëndime të rënda për shkak të trazirave mes tifozëve, në prag të finales së Kupës së Evropës mes Liverpool dhe Juventus, që shkaktuan shembjen e një tribune.2 mars 1988 - Të paktën 72 persona vdiqën dhe qindra u plagosën në një stadium në Katmandu (Nepal), gjatë një ndeshjeje futbolli midis një ekipi vendas dhe një skuadre nga Bangladeshi, kur një stuhi rëre ra mbi 20 mijë shikuesit, të cilët nuk mund të largoheshin sepse dyert e stadiumit ishin të mbyllura. Shumica e vdekjeve ishin për shkak të shtypjes dhe asfiksisë.15 prill 1989 - Në një ndeshje Liverpool-Nottingham Forest, që u luajt në stadiumin Hillsborough, në Sheffield, një turmë tifozësh hynë pa bileta dhe pushtuan tribunat, duke shtypur ata që ishin më parë në stadium dhe duke shkaktuar 95 të vdekur dhe 170 të plagosur.7 korrik 1990 - Të paktën 62 viktima dhe më shumë se 200 të plagosur u regjistruan gjatë një ndeshjeje futbolli në Mogadishu (Somali), pas të shtënava të truprojave të Presidentit Mohamed Siad Barre, ndaj tifozëve që po i hidhnin objekte.16 tetor 1996 - 80 persona vdesin dhe 150 të tjerë plagosen nga orteku njerëzor në stadiumin “Mateo Flores” të Guatemalës, para fillimit të ndeshjes ndërmjet ekipit vendas dhe skuadrës së Kosta Rikës, e vlefshme për kualifikimin në Botërorin e Francës. Kapaciteti ishte tejkaluar nga shitja e biletave false.9 maj 2001 - Të paktën 130 persona vdesin në kryeqytetin ganez gjatë ndeshjes mes Accra Hearts dhe Kumasi Ashanti, kur pas përleshjeve mes dy tifozëve, policia hodhi tymuese dhe vendosi të mbyllte dyert e stadiumit, gjë që shkaktoi panik në publik.25 korrik 2007 - Të paktën 50 persona humbën jetën si pasojë e dy sulmeve kundër tifozëve të futbollit që po festonin fitoren e ekipit të tyre në gjysmëfinalet e Kupës së Azisë, në Bagdad. E para ishte me një makinë bombë (30 të vdekur), në lagjen Al Mansur, dhe e dyta kur një kamikaz goditi një pikë kontrolli të ushtrisë irakiane në Al Gadir, (20 të vdekur).1 shkurt 2012 - Të paktën 74 persona u vranë, duke përfshirë një oficer policie, dhe 254 të tjerë u plagosën në përleshjet pas një ndeshjeje futbolli në stadiumin Port Said (Egjipt) midis tifozëve të ekipit lokal Al Masry dhe Kayro Al Ahly. Më 26 janar 2013, kur u bë e ditur se gjykata rekomandoi dënimin me vdekje për 21 të pandehur për përfshirjen e tyre në masakër, pati protesta, ku humbën jetën 31 persona.
