Konsumi në vend po rritet dhe shitjet me pakicë kanë pësuar një gjallërim në tremujorin e tretë të këtij viti.
Instituti i Statistikave raporton se në këtë periudhë treguesi i shitjeve me pakicë është rritur me 4.9% kundrejt një viti më parë. Bizneset raportojnë një xhiro më të lartë thuajse në të gjitha mallrat dhe shërbimet. Rritja e xhiros ka ndodhur kryesisht në supermarkete dhe qendra tregtare, ndërsa shitjet kanë qenë më dobët në dyqanet e lagjes.
Në krye të listës për rritje të shitjeve me pakicë janë karburantet, ndikuar edhe nga shtrenjtimi i çmimit. Ndër mallrat e tjerë që raportohet për rritje të shitjeve janë ushqimet, pijet dhe produktet e tjerë jo ushqimorë, të cilët gjithashtu nuk i kanë shpëtuar rritjes së çmimeve.
Gjallërimi i konsumit ishte i pritshëm pas vitit pandemik dhe ishte paralajmëruar edhe nga Indeksi i Besimit Konsumator, që në tremujorin e tretë të këtij shënoi rritje. Megjithatë shtrenjtimi po pengon buxhetet familjare që të shpenzojnë përtej nevojave të përditshme, siç janë ushqimet dhe transporti. (A2 Televizion)
A2 CNN Livestream
MUND TE LEXONI GJITHASHTU
