Tritol banesës në Dibër, të zotit të shtëpisë i vranë djalin një vit më parë

Një shpërthim lënde eksplozive ndodhi në orët e para të mëngjesit të sotëm në Maqellarë të Dibrës.

Policia bën të ditur se tritoli është hedhur brenda rrethimit të banesës së shtetasit, Gazmir Kosiqi, duke shkaktuar dëme materiale të mëdha. Po ashtu, mësohet se si pasojë e shembjes së murit, familjes Kosiqi i kanë ngordhur edhe dy kuaj të cilët ishin në stallën e bagëtisë ngjitur me banesën.

Ndërkohë, Gëzim Kosiqi, një vit më parë, humbi djalin 32 vjeç, pasi ja vranë në pragun e shtëpisë. Në lidhje me këtë ngjarje policia arrestoi një person të dyshuar një ditë më vonë.

Sa i përket shpërthimit të sotëm, ende nuk dihen motivet nëse kanë të bëjnë po me të njëjtën ngjarje të ndodhur me 20 Mars të vitit 2018.

Policia e Dibrës ka nisur hetimet për ngjarjen, ndërsa deri tani nuk ka asnjë të dyshuar si autor të saj. (A2 Televizion)