Një avion i nisur nga Bari, me destinacion Londrën, u detyrua të bënte një ulje emergjente në aeroportin e Bazelit, si pasojë e tymit që përfshiu kabinën.
Fatmirësisht, përveç panikut, ulja emergjente nuk shkaktoi të lënduar tek 165 pasagjerët në avion, por 4 nga anëtarët e stafit u ndjenë keq për shkak të tymit dhe u dërguan në spital për ndihmë më të specializuar. Piloti i avionit njoftoi kullën e kontrollit sapo pikasi tymin në kabinë dhe në momentin e uljes ekipet e shpëtimit dhe zjarrfikësit ishin të pranishëm në pistë.
Pas uljes së avionit, trafiku ajror në aeroportin e Bazelit u ndërpre për 20 minuta dhe 3 fluturime në mbërritje u zhvendosën në Zyrin dhe Shtutgart. Vonesa pati dhe në nisjen e disa fluturimeve. (A2 Televizion)
A2 CNN Livestream
MUND TE LEXONI GJITHASHTU
