Dy punonjës të Inspektoratit të Mbrojtjes së Territorit në Bashkinë Kamëz janë arrestuar nga Policia për korrupsion.
Në pranga kanë përfunduar l: Dritan Nikolli, 47 vjeç, me detyrë Kryeinspektor i Inspektoratit të Mbrojtjes së Territorit në Bashkinë Kamëz, dhe Ermal Baçi., 36 vjeç, me detyrë inspektor i Inspektoratit të Mbrojtjes së Territorit në Bashkinë Kamëz.
"Nga hetimet e kryera ka rezultuar se këta shtetas, në bashkëpunim me njëri-tjetrin, gjatë një periudhe 6-mujore, qytetarëve të ndryshëm në zonën e Bashkisë Kamzë, të cilët i konstatonin duke kryer ndërtime pa leje, u kanë kërkuar dhe u kanë marrë shuma monetare, në këmbim të mosndëshkimit të tyre me masa administrative, sipas legjislacionit ne fuqi.
Vijon puna për dokumentimin ligjor të plotë të kësaj veprimtarie kriminale dhe për identifikimin e personave të tjerë të përfshirë në këtë veprimtari korruptive.
Materialet procedurale i kaluan Prokurorisë së Posaçme Kundër Korrupsionit dhe Krimit të Organizuar Tiranë, për veprime të mëtejshme hetimore", thotë Policia. (A2 Televizion)
A2 CNN Livestream
MUND TE LEXONI GJITHASHTU
