Rreth gjysma e fëmijëve në Evropë dhe Azinë Qendrore, pra më shumë se 92 milionë, janë të ekspozuar ndaj një frekuence të lartë të valëve të të nxehtit.
Një përqindje e dyfishtë në krahasim me mesataren globale. Kjo është ajo që del nga një analizë e të dhënave në lidhje me 50 vende të kryera nga UNICEF ("Beat the heat: protecting children from heatwaves in Europe and Central Asia").
Vitet e fundit valët e të nxehtit në Evropë dhe Azinë Qendrore janë bërë më të shpeshta dhe nuk po pakësohen. Europa dhe Azia Qendrore janë ndër zonat e planetit më të prekura nga ngrohja globale.
“Në të gjithë rajonin, frekuenca e valëve të të nxehtit është e destinuar të rritet më tej në vitet e ardhshme”, shpjegon agjencia e OKB-së.
“Sipas skenarëve më optimistë të rritjes së temperaturës globale prej 1.7 gradë Celsius, deri në vitin 2050 të gjithë fëmijët në Evropë dhe Azinë Qendrore do të ekspozohen ndaj një frekuence të lartë të valëve të të nxehtit, 81% do të ekspozohen ndaj kohëzgjatjes së valës së lartë të të nxehtit dhe 28% do të të ekspozohen ndaj ashpërsisë së lartë të valëve të të nxehtit", thuhet në raport.
"Shumë implikime negative shëndetësore aktuale dhe të ardhshme të një pjese kaq të konsiderueshme të fëmijëve të rajonit duhet të jenë një katalizator për qeveritë që të investojnë urgjentisht në masat zbutëse dhe përshtatëse," tha Regina De Dominicis, drejtoreshë rajonale e UNICEF-it për Evropën dhe Azinë Qendrore. (A2 Televizion)
A2 CNN Livestream
MUND TE LEXONI GJITHASHTU
