100 000 dozat nga Sinovac, të mbërritura disa ditë më parë në aeroportin e Rinasit, do të jenë për moshat mbi 60 vjeç, për të sëmurët kronikë dhe mbi 65 vjeç për moshat e tjera.
Ulja e grupmoshës riktheu dyndjet e para në sheshin “Skëndërbej”, aty ku janë ngritur qendrat specifike të vaksinimit. Mes njerëzve nuk pati hezitim, pavarësisht debatit të ngritur për efektshmërinë e vaksinave kineze.
“Vaksinën kineze e mori edhe gjermani. Kur e mori gjermani, për ne është shumë e vlefshme”, thanë të moshuarit.
Ka prej tyre që kanë preferuar një vaksinë tjetër në vend të asaj kineze: “Doja tjetër, por meqë nuk po vijnë të tjerat, po bëj këtë kinezen”.
Për të moshuarit me kimioterapi dhe transfuzion të gjakut janë rezervuar vaksinat e Pfizer, pasi ato ruse dhe kineze mund të shkaktojnë efekte të rënda anësore, për shkak të gjendes së tyre shëndetësore. (A2 Televizion)
A2 CNN Livestream
MUND TE LEXONI GJITHASHTU
