Një sportist në Austri vendosi të freskohet pak këtë fundjavë duke vendosur njëkohësisht një rekord të ri botëror, duke qëndruar brenda një kutie të mbushur me copa akulli, për plot 2 orë, 30 minuta e 57 sekonda.
Veshur vetëm me rroba banjo, 42-vjeçari, Josef Koeberl, u mbulua me akull deri në shpatulla, në një kuti transparente, me duar të kryqëzuara në kraharor.
Ai theu rekordin e mëparshëm, për kontaktin e plotë të trupit me akullin, që ishte 2 orë, 8 minuta e 47 sekonda, vendosur prej vetë Josef një vit më parë.
“Se mendoja se do t’ia dilja. Ishte vërtet shumë gjatë, por koha iku shpejt. E pabesueshme”, tha 42-vjeçari.
Koeberl qëndroi pa lëvizur në kutinë prej qelqi në qendër të qytetit Melk, atje ku u admirua nga shikuesit. (A2 Televizion)
A2 CNN Livestream
MUND TE LEXONI GJITHASHTU
