Vëzhguesit vendorë të zgjedhjeve të 14 majit në raportet paraprake konstatojnë si problematikë përdorimin e administratës në zgjedhje, dhe vonesat e krijuara nga identifikimi elektronik i zgjedhësve.
Sipas Komitetit Shqiptar të Helsinkit, në raportimet e tyre është vërejtur një apati dhe mungesë besueshmërie te procesi zgjedhor.
Përdorimi i administratës publike në këto zgjedhje ka qenë një tjetër shqetësimi i paraqitur nga vëzhguesit.
Votimi familjar është evidentuar edhe në këto zgjedhje vendore, problemet me bojën në gishtin e votuesve, mungesa e energjisë elektrike etj.
Problematikat me mosparaqitjen e operatorëve apo mosfunksionimin e pajisjeve të identifikimit elektronik (PEI) gjatë ditës së zgjedhjeve krijuan vonesa në një numër qendrash votimi.
Sipas vëzhguesve, trajtimi që iu bë problematikës nga klasa politike nuk i shërbeu sqarimit të opinionit publik në lidhje me natyrën e vërtetë të problemit, duke krijuar më tepër konfuzion te qytetarët, apo edhe mungesë besimi në proces.
Vëzhguesit e zgjedhjeve vendore janë duke monitoruar ende procesin e numërimit të votave deri në përfundimin total të tyre. (A2 Televizion)
A2 CNN Livestream
MUND TE LEXONI GJITHASHTU
