Vlorë, 41 turistë helmohen nga ushqimi. Shumica janë fëmijë

41 turistë u paraqitën pasditen e së premtes në spitalin e Vlorës. 

Turistët kanë pësuar helmim nga ushqimi në një prej anijeve turistike që kryen linjën Karaburun-Sazan.

Vlorë/Informacion paraprak

Rreth orës 20:10, në spitalin e Vlorës, janë paraqitur për ndihmë mjekësore, me simptoma helmimi nga ushqimi, 41 shtetas polakë (turistë), të cilët janë jashtë rrezikut për jetën.

Nga verifikimet paraprake rezulton se këta shtetas, gjatë ditës së sotme, kanë qenë me guidë, me anije turistike, në ishullin e Sazanit.

Grupi hetimor i ngritur për këtë rast, në bashkëpunim me specialistë të AKU-së dhe në drejtimin e Prokurorisë, vijon punën për përcaktimin e shkakut të helmimit të këtyre shtetasve. (A2 Televizion)