Kosova dhe Shqipëria me një ligë të përbashkët edhe në volejboll. Pas përfundimit me sukses të Kupës Pavarësia nëntorin e kaluar, Kosova dhe Shqipëria janë bashkuar në një tjetër aktivitet.
Bëhet fjalë për kupën “Gjergj Kastriot Skënderbeu”, që është programuar në javën e fundit të shkurtit. Edicioni i parë do të organizohet me një format të reduktuar për shkak të kohës së limituar, ndërsa vitin tjetër do të marrë trajtën e një kampionati të rregullt, me një numër të plotë pjesëmarrësish.
Në bazë të formulës së miratuar nga dy federatat, do të marrin pjesë skuadrat që e mbyllën në dy vendet e para të renditjes pas fazës së parë të sezonit, si për femra, ashtu edhe për meshkuj.
Tek vajzat, nga Shqipëria kemi Skënderbeun dhe Tiranën, ndërsa nga Kosova, skuadra e Dritës së Gjilanit dhe ajo e Ferizajt. Ndërkohë, tek meshkujt, nga Shqipëria do të marrin pjesë skuadra e Tiranës dhe ajo e Erzenit dhe nga Kosova kemi Ferizajn e Pejën.
Takimet do të zhvillohen në 10-ditëshin e fundit të shkurtit dhe në ditët e para të marsit. (A2 Televizion)
A2 CNN Livestream
MUND TE LEXONI GJITHASHTU
