Xhaferraj e akuzoi Ahmetajn se viktimat e tërmetit ishin si pasojë e masakrës urbane dhe qeveria përfitoi nga fatkeqësia. Nga foltorja e Kuvendit ai tha se SPAK-u duhet të hetojë, pasi tërmeti nxori në pah babëzinë e qeverisë për të përfituar nga fatkeqësia.
“Mbani përgjegjësi shumë të rëndë dhe SPAK-u duhet të hetojë për 50 viktimat nga tërmeti. Puna e parë që bëtë ishte rrafshimi i shesheve, drejtori i legalizimeve u emërua drejtor në bashki për kodin e heshtjes. Viktimat e tërmetit i shkaktoi masakra urbane. Për çfarë flisni ju për tërmetin? Për shkollën në Sukth që rridhte pasi e inaguroi Rama, për shkollën “Shaqe Mazreku që vizitoi kryeministri dhe ishte pa leje ndërtimi. Historia juaj me tërmetin ishte një turp i paparë. Tërmeti ekspozoi një gjë; Babëzia iu çon deri aty sa të përfitoni nga fatkeqësia”.
Në përgjigje të tij, ministri i Rindërtimit Arben Ahmetaj e ftoi deputetin demokrat të Durrësit që shkojë dhe të vizitojë shkollat dhe banesat e rindërtuara nga tërmeti.
“Me gjithë pandeminë e rëndë ne jemi në shpejtësi të pakrahasuar me asnjë projekt tjetër publik. Shkollat janë krenaria e qytetarëve dhe prindërve. Më shumë dashuri dhe pa asnjë cinizëm ju ftoj të vizitojmë shkollat. Jam i bindur që do jesh shumë i lumtur. Të shikoni pallatet do të jeni i lumtur për familjet e Durrësit për të gjitha ato që janë ndërtuar. Në shtator të vitit tjetër do të kemi mbaruar”.
Por për Xhaferrajn, shkollat së pari duhet t’ i vizitojë SPAK ndërsa përsëriti që tërmeti nxori në pah babëzinë e qeverisë për të përfituar nga fatkeqësia.
“Do të ndjehesha krenar t’ua njihja atë meritë edhe ju. Ne shkollat i vizitojmë, por shkollat duhet t’i vizitojë dhe SPAK. Kishin për të ndërtuar 13 shkolla dhe i çuat në 29, makutëria për të përfituar nga fatkeqësia. Ku do ta vizitojmë shkollën Naim Frashëri? Tërmeti ju shpalli të aftë të babëzitur për të përfituar nga babëzia”. (A2 Televizion)
A2 CNN Livestream
MUND TE LEXONI GJITHASHTU
