Portieri i Gjermanisë, Manuel Neuer, po mendon të varë dorezat në gozhdë pas përfundimit të Kampionatit Europian të vitit 2020. Kështu pretendon të paktën e përditshmja gjermane “Bild”, sipas të cilës portieri i Bayern Munchen nuk do të vazhdojë më të luajë për kombëtaren pas sherrit me kolegun Marc Andre ter Stegen për vendin e titullarit në portë.
Neuer ka luajtur deri tani 90 takime me përfaqësuesen, që kur debutoi dhjetë vite më parë në një miqësore kundër Emirateve të Bashkuara Arabe. Ai u shndërrua përgjatë viteve në një prej portierëve më të mirë në botë, duke fituar Kupën e Botës në vitin 2014.
Dy portierët garojnë për të qenë numri 1 i përfaqësueses gjermane dhe gardiani i Barcelona-s shprehu javën e kaluar mërzinë për faktin se nuk luante aq shumë me Kombëtaren pasi Neuer ishte dominues. (A2 Televizion)
A2 CNN Livestream
MUND TE LEXONI GJITHASHTU
