Policia e Kosova ka bërë të ditur mbrëmjen e së premtes se ka arritur të zbulojë një sasi të madhe armatimesh në një makinë me targa të Beogradit në Komunën e Zveçanit.
Për këtë rast ka reaguar edhe ministri i Punëve të Brendshme, Xhelal Sveçla, i cili tha se Policia e Kosova ka arritur të parandalojë një sulm terrorist me këtë operacion.
“Policia e Kosovës parandalon sulm terrorist. Falë angazhimit intensiv të njësiteve të specializuara të Policisë së Kosovës dhe informatave/inteligjencës së pranuar, sot është identifikuar një veturë me targa të Beogradit, rreth 100 m larg Komunës së Zveçanit, në të cilën janë zbuluar sasi të mëdha të armatimeve, mjeteve eksplozive dhe municioneve të ndryshme, përfshi Zolla, Osa, eksplozivë, armë automatike, sasi e konsiderueshme e municionit, shok-bomba, uniforma dhe çanta ushtarake.
Të gjitha këto mjete kishin për qëllim dhe shërbejnë për realizim të sulmeve terroriste ndaj qytetarëve dhe Institucioneve të Republikës së Kosovës. Kjo është edhe një dëshmi e radhës që Serbia përmes grupeve dhe organizimeve të tilla synon të destabilizojë vendin tonë.
Policia e Kosovës bashkë me të gjitha organet tjera të sigurisë vazhdojnë angazhimet e tyre në parandalimit e çdo akti të mundshëm që synon cenimin e sigurisë së vendit tonë.
Ky rast konfirmon informacionet e pranuara nga Institucionet e sigurisë së Republikës së Kosovës se gjatë javëve të fundit nga territori i Serbisë janë futur në Kosovë vetura dhe automjete të tjera me armatime ushtarake”. (A2 Televizion)
A2 CNN Livestream
MUND TE LEXONI GJITHASHTU
