Vin Diesel, Charlie Sheen apo Marilyn Monroe, janë 3 shembuj të aktorëve që vendosën të kenë sukses me një emër skenik dhe jo me emrin e tyre të vërtetë.
Në fotogalerinë e mësipërme zbuloni emrat e vërtetë të tyre. (A2 Televizion)
Mark Sinclair - Origjina e emrit Vin Diesel vjen nga fakti se aktori kalifornian është djali i një nëne beqare, e cila filloi një lidhje me një burrë të quajtur Irving Vincent, një person kyç në jetën e Sinclair. Nga shokët e shkollës së mesme mori pseudonimin Diesel, sepse ishte një person shumë energjik dhe i thanë se dukej sikur kishte një motor nafte, prej nga vjen emri i tij skenik Vin Diesel.Demetria Gene Guynes - Demi është qartësisht shkurtimi i Demetria, por Moore? Epo, Moore ishte mbiemri i burrit të saj të parë Freddy Moore. Kur u divorcuan, ajo vendosi ta mbante në emrin e saj artistik.Brianne Sidonie Desaulniers - Brie Larson vjen nga shkurtimi i Brianne dhe zbulimi se në trungun e saj familjar, stërgjyshja e saj nga nëna, me origjinë suedeze, kishte këtë mbiemër. Asaj i pëlqeu se si tingëllonte dhe vendosi që emri i saj skenik të ishte Brie Larson.Ramón Antonio Gerardo Estévez - Martin Sheen ishte djali i një emigranti galician që erdhi në Shtetet e Bashkuara të Amerikës. Nga frika e refuzimit për shkak të mbiemrit të tij spanjoll, Ramón Antonio miratoi mbiemrin Sheen, sipas Kryepeshkopit të Nju Jorkut në atë kohë, dhe Martin sepse ishte mbiemri i një drejtori kastingu që e vendosi atë në një rol të rëndësishëm.Carlos Irwin Estévez - Charlie Sheen është djali i Martin Sheen. Emri i tij vjen nga përkthimi i emrit të tij (Carlos në Charlie), dhe artistikisht ai adoptoi mbiemrin e të atit.Stefani Joanne Angelina Germanotta - E njohur në mbarë botën si Lady Gaga, ajo filloi në biznesin e spektaklit duke luajtur role të vogla dytësore. Pas suksesit në muzikë, ajo është fokusuar vitet e fundit në karrierën e saj si aktore, me sukses të madh në adaptimin e ri të “A Star Is Born” ose “The House of Gucci”. Emri i saj u adoptua nga kënga e “Queen Radio Gaga”. Stefani, e cila punonte si kamariere në një lokal, e kaloi ditën duke kënduar këtë këngë, dhe kolegët filluan ta quanin Lady Gaga.Eric Marlon Bishop - Jamie Foxx vendosi emrin e tij për nder të komedianit Redd Foxx, kur filloi karrierën e tij në biznesin e spektaklit si një komik “stand-up”-i. Atij i vunë emrin Jamie, sepse në atë kohë klubet kërkonin femra për të barazuar numrin meshkujve dhe femrave. Jamie ishte një emër edhe meshkujsh, edhe femrash. Për shkak të suksesit të tij në komedi, ai më në fund vendosi tw vazhdonte karrierwn me Jamie Foxx.Norma Jeane Mortenson - Marilyn Monroe e ndryshoi emrin e saj, sepse emri i saj i vërtetë nuk ishte shumë tërheqës. Ajo adoptoi emrin e vajzërisë së nënës së saj, Monroe, dhe mori emrin Marilyn sipas aktores së Broadway, Marilyn Miller.Jacoba Francisca Maria Smulders - Cobie Smulders, e njohur për rolin e saj si Robin në “How I Met Your Mother” e mban mbiemrin e saj të vërtetë, por ajo që shumë njerëz nuk e dinë është se Cobie është një shkurtim i emrit të saj të vërtetë, Jacoba.Samuel Leroy Jackson - Historia pas emrit të vërtetë të Samuel L. Jackson nuk është ndonjë mister i madh. Aktori i famshëm ka mbajtur emrin dhe mbiemrin e vërtetë, vetëm ka lënë shkronjën e parë të emrit LEROY.Ilyena Lydia Vasilievna Mironov - Helen Mirren është pasardhëse e refugjatëve caristë rusë në Britaninë e Madhe, të cilët u larguan për në Londër nga Revolucioni Bolshevik. Për të formuar emrin e saj artistik, ajo përktheu emrin e saj rus, Ilyena Mironov, në Helen Mirren.Allan Stewart Konigsberg - Regjisori u shqua që kur ishte i ri për vizionin e tij komik dhe në moshën 17-vjeçare mori rrogën e parë duke shkruar barcaleta për gazetat me pseudonimin Woody, një pseudonim që mori nga shokët e tij të shkollës. Te emri i vërtetë Allen ndryshoi vetëm një shkronjë. Në vitin 1953, në moshën 17-vjeçare, ai ndryshoi ligjërisht emrin e tij në Haywood Allen.Neta-Lee Hershlag - E lindur në Jerusalem, një shtetase izraelite dhe amerikane, Natalie Portman adoptoi mbiemrin e gjyshes së saj (Portman) për emrin e saj artistik dhe e ndryshoi emrin e saj në emrin më të afërt në anglisht, Natalie.Caryn Elaine Johnson - Origjina e emrit Whoopi Goldberg ka dy faza. Kur filloi të aktronte në një grup teatri improvizimi, ajo e quajti veten Whoopy Cushion dhe kur shkoi në Hollywood, nëna e saj i sugjeroi që të merrte një mbiemër hebre, si Goldberg, në mënyrë që ta merrnin më seriozisht.
