Më shumë se 2000 qytetarë në vend e kanë të pamundur të votojnë në zgjedhjet parlamentare të 25 prillit, ndonëse janë mbi 18 vjeç dhe të zotë për të vepruar.
Ata ndodhen në qelitë e burgjeve në vend, në zbatim të vendimeve gjyqësore të formës së prerë.
Bëhet fjalë për ligjin për dekriminalizimin, i cili privon përkohësisht nga e drejta e votës të dënuarit për vepra të rënda penale. Ndërkohë, zëvendësdrejtori i përgjithshëm i burgjeve konfirmon marrjen e masave për garantimin e procesit të votimit për të dënuarit dhe paraburgosurit e tjerë.
Pavarësisht vendbanimit të familjeve të tyre, të dënuarit votojnë për kandidatët e qarkut ku vuajnë dënimin.
Puna e stafit të burgjeve përfundon me përgatitjen e listave të zgjedhësve dhe krijimin e kushteve për ngritjen e një qendre votimi. Komisionerët janë persona që vijnë nga jashtë sistemit të burgjeve, që ditën e zgjedhjeve marrin autorizimin përkatës për të ushtruar funksionin brenda hekurave. (A2 Televizion)
A2 CNN Livestream
MUND TE LEXONI GJITHASHTU
