Asnjë suprizë nga mbledhja me dyer të mbyllura të Këshillit Kombëtar të Demokratëve. Të gjithë emrat e propozuar nga kryedemokrati Lulzim Basha u votuan në unanimitet.
Në krye të Këshillit të PD do të jetë ish-nënkryetari i demokratëve, Edi Paloka. 300 anëtarët e Këshillit Kombëtar zgjodhën kryesinë e re, ku i vetmi i rikonfirmuar në detyrë ishte Sekretari i Përgjithshëm, Gazment Bardhi.
Lulzim Basha ka zgjedhur që të shtojnë numrin e nënkryetarëve në PD, nga 2 që ishin u bë 4, ku u miratuan këto emra: deputetja Jorida Tabaku, deputetja Grida Duma, depueteti Enkelejd Alibeaj dhe Alfred Rrushaj. Këtyre dy të fundit, Basha nuk i besoi vetëm këto poste. Drejtuesi politik i Qarkut Fier, Enkelejd Alibeaj, do të propozohet nga demokratët si zëvëndëskryetar i Kuvendit.
Grupi parlamentar i demokratëve do të udhëhiqet nga Alfred Rrushaj, ndërsa dy nënkryetarët do të jenë deputeti Ervin Salianji dhe Luciano Boçi. Vetëm pak ditë kanë mbetur nga nisja e sesionit të ri parlamentar e për demokratët beteja e parë do të jetë ajo e ndryshimeve kushtetuese të vitit 2008, në ato kohë të firmosur nga Edi Rama e Sali Berisha. Ishte kryetari Basha ai që e deklaroi këtë, ku la që të nënkuptonte se për këto ndryshime do të ketë bisedime edhe me kundërshtarin e tij politik, Edi Ramën.
Reforma Terrritoriale dhe ajo Zgjedhore pritet që të jenë dy kauza të tjera që demokratët do të vijonë betejën parlamentare. (A2 Televizion)
A2 CNN Livestream
MUND TE LEXONI GJITHASHTU
