Zjarr në vargmalet Cukal, vatra po shkrumbon sipërfaqe të tëra me pyje dhe bimësi të ulët

Disa vatra të mëdha zjarri vazhdojnë që të jenë aktive prej disa ditësh në fshatin Vilë, njësia administrative Temal, në Bashkinë e Vau Dejës.

Zjarret vazhdojnë që të djegin masivin pyjor nga fshati Vilë, duke u përhapur në drejtim të vargmaleve të Cukalit, ndërkohë që ndërhyja për ta lokalizuar apo shuar është tejet e vështirë për shkak të terrenit dhe mungesës së rrugëve automobilistike.

Banorët e zonës ngrenë shqetësimin pasi zjarri, sipas tyre, po shkrumbon gjithçka dhe pas çdo ore që kalon po bëhet edhe më masiv pasi askush nuk po ndërhyn. Ata kërkojnë ndërhyrjen e ushtrisë në terren dhe të helikopterit nga ajri, në të kundërt flakët pritet të shkrumbojnë çfarë të gjejnë përpara. (A2 Televizion)