Pasi avioni i parë u rrëzua në Qendrën Botërore të Tregtisë, Kelly Guenther kapi pajisjet e saj të kamerës dhe vrapoi në shëtitoren Brooklyn Heights që ka pamje nga porti i Nju Jorkut dhe horizonti i Lower Manhattan.
Pastaj ajo pa avionin e dytë që po vinte. Ishte në të majtë të saj, duke fluturuar mbi Statujën e Lirisë dhe duke u nisur djathtas për në Manhattan. Një ndjenjë frike e pushtoi.
“E dija se çfarë do të ndodhte: do të isha dëshmitare e vdekjes së qindra njerëzve,” kujton ajo gati 20 vjet më vonë. “Mbaj mend që mendova, ‘Jo, jo, jo!’ Pastaj mora frymë dhe i thashë vetes “Bëje punën tënde”. E vendosa kamerën, vendosa një kornizë të gjerë të horizontit dhe prita që avioni të hynte në kornizën time në të majtë.”
Fotoja e saj, doli në faqet e para të gazetave në mbarë botën të nesërmen. Disa prenë foton ose përdorën një sekuencë prej dy ose tre imazhesh, që tregonin avionin duke shpërthyer në Kullën Jugore.
“Për mua është imazhi me kornizë të plotë që tregon historinë: qielli blu i përsosur, horizonti klasik i NYC dhe një aeroplan i zi, i ngrirë në kohë, një sekondë përpara se bota të ndryshonte”, tha ajo.
Këto janë disa nga fotot që kanë ardhur për të përcaktuar atë ditë tragjike të vitit 2001, kur rreth 3000 njerëz u vranë në sulme terroriste në Nju Jork, Pensilvani dhe Virxhinia. (A2 Televizion)
A2 CNN Livestream
MUND TE LEXONI GJITHASHTU
