Presidenti i Serbisë, Aleksandër Vuçiç, paralajmëron se do të flasë për Kosovën në sesionin e 78 të Asamblesë së Përgjithshme të Kombeve të Bashkuara.
Gjatë qëndrimit në Nju-Jork, ai pritet të zhvillojë takime të ndryshme me liderë shtetesh, kryesisht afrikane, gjithashtu edhe me sekretarin e përgjithshëm të OKB-së, Antonio Guterres.
Një ndër synimet e shprehura të Vuçiç, është ai i organizimit të një seance urgjente të Këshillit të Sigurimit për Kosovën, por siç ka thënë ai, pasi të përfundojë kryesimi shqiptar i OKB-së. Presidenti i Serbisë ka njoftuar dhe një takim të veçantë me përfaqësuesin special të Bashkimit Europian për dialogun Prishtinë-Beograd, Miroslav Lajçak.
Gjithashtu, konfirmoi pjesëmarrjen në një drekë joformale të organizuar për liderët e Ballkanit Perëndimor nga shefi i diplomacisë europiane, Josep Borrell, si dhe në pritjen tradicionale nga presidenti amerikan, Joe Biden. (A2 Televizion)
A2 CNN Livestream
MUND TE LEXONI GJITHASHTU
