Në maternitetin e Durrësit shifrat flasin për ulje të numrit të lindjeve në tri vitet e fundit. Viti 2021 që përkon me periudhën pas pandemisë ishte periudha më e lartë në shifra. Për shefen e Shërbimit Obstetrik Gjinekologjik në maternitetin e Durrësit, Diana Shahini ky trend në rënie vjen si pasojë e tre faktorëve kryesorë.
Në qarkun Durrës, sipas shefes Shahini shumë nga çiftet e reja preferojnë të bëhen për herë të parë prindër rreth moshës 30-35 vjeçare.
“Bazuar në statistikat që disponojmë vihet re një rënie e lindjeve nga viti 2020-2023. Mendoj që ndikojnë disa faktorë. Së pari është rritur mosha riprodhuese. Çiftet e reja zgjedhin një moshë më optimale për t’u bërë prindër përtej të 30-ve, sepse duan të kualifikohen, pozicionin e punës dhe pastaj merren me kualifikimin familjar. Vihet re fenomeni i prindërimit të sigurt. Duan që të kenë kushte sa më optimale, duhet të punojnë më shumë dhe e kanë të pamundur që të bëjnë më shumë fëmijë. Nga ana tjetër janë edhe faktorë të brendshëm si shtimi i materniteteve private, që një pjesë e mirë e pacientëve synojnë të lindin në spitalet private”, shprehet Diana Shahini.
Në tremujorin e parë 2023, të gjitha qarqet e vendit shënojnë ulje të numrit të lindjeve, në krahasim me tremujorin e parë 2022. Qarku me numrin më të lartë të lindjeve është Tirana me 1.939 lindje, ndërsa qarku me numrin më të ulët është Gjirokastra me 77 lindje. (A2 Televizion)
A2 CNN Livestream
MUND TE LEXONI GJITHASHTU
