Po tallej me të, momenti fatal kur “youtuber-i” qëllohet me plumb në gjoks nga shpërndarësi i ushqimit

Youtuberi i njohur, Tanner Cook, është qëlluar në një qendër tregtare në Virginia, SHBA, kur tentoi të tallet me një shpërndarës ushqimi.

Kamera ka regjistruar momentin rrëqethës kur Alan Colie, nxjerr pistoletën dhe e qëllon në gjoks youtuberin 21-vjeçar.

Shihet sesi Cook me kamerën e ndezur i afrohet Colie, para një restoranti të ushqimit të shpejtë, dhe tërë kohën i afron telefonin në fytyrë.

Colie tërhiqet dhe i thotë tri herë që të ndalet para se të tentojë t’ia largojë telefonin nga fytyra, megjithatë youtuberi vazhdon me keqtrajtim.

Në fund shpërndarësi i ushqimit nxjerr armën dhe e qëllon Cook në gjoks. Colie është akuzuar për plagosje, megjithatë është shpallur i pafajshëm pasi gjykata thotë se reagoi në vetëmbrojtje.

Ndërkohë, Cook i kaloi disa ditë në repartin intensiv pasi plumbi i kishte përshkuar barkun dhe mëlçinë. (A2 Televizion)