Ballkani arrin fitoren e parë në këtë edicion të Conference League. Skuadra nga Kosova mposhti Dinamon e Zagrebit me shifrat 2-0, në ndeshjen e vlefshme për grupin C.
Një triumf që e çon Ballkanin në vendin e dytë në grup, në pjesëmarrjen e dytë të suharekasve në Conference League.
Goli i parë për të besuarit e Ilir Dajës erdhi në minutën e 44. Qëndrim Zyba ftoi në aksion Kryeziun, i cili u shkëput bukur dhe nuk fali përballë portierit kundërshtar. Anësori akordoi pozicion jashtë loje, por ishte VAR që lejoi vazhdimin e festës në “Fadil Vokrri”.
Kampionët e Kosovës e vulosën fitoren në minutën e 83-të, me anë të Walid Hamidi.
Kështu, Ballkani mori vendin e dytë në një grup që kryesohet nga Plzen me 6 pikë. Në vend të tretë është Dinamo Zagreb me tre pikë dhe mbyll grupin me zero pikë Astana. (A2 Televizion)
A2 CNN Livestream
MUND TE LEXONI GJITHASHTU
