Trajneri Sylvinho është arkitekti i këtij grupi të shkëlqyer në Kombëtaren Kuqezi, i cili arriti të mposhtte 3-0 Çekinë dhe tashmë Shqipëria është vetëm një hap larg Europianit të Gjermanisë.
Pas ndeshjes, ai u shpreh tejet i lumtur dhe e vlerësoi atë si perfekte, por në fund tha se ende nuk ka përfunduar asgjë dhe kërkoi që të gjithë të qëndrojnë me këmbë në tokë.
“Ndeshje me shumë vuajtje sigurisht. Së pari, dua të falenderoj tifozët që kanë ardhur. Shumë e bukur të shikosh 23 mijë tifozë që të mbështesin. Për sa i përket garës, ishte shumë e fortë dhe fizike. Unë mendoj që kemi bërë një ndeshje të shkëlqyer.
Ne punojmë për të fituar, gjithsesi ata janë një skuadër shumë e fortë, edhe pse fituam me 3 gola. Në qoftë se do të ishim 11 kundër 11 do të ishte shumë e vështirë. Ky është një grup që bëhet i fortë çdo ditë e më shumë. Janë karakteristikat e lojtarëve, Uzuni, Seferi, Muçi, Bajrami, janë lojtarë që e kërkojnë shumë sulmin. Kemi bërë një hap shumë të rëndësishëm por nuk ka mbaruar asgjë. Garë perfekte, por nuk ka mbaruar.
Marrëdhënia me lojtarët dallohet edhe me sy. Ishte shumë e bukur të shikoje shpirtin e garës. Ishte diçka fantastike. Ju falenderoj shumë për besimin. Unë iu them gjithmonë lojtarëve që nuk jemi 11, por jemi 23.
Ne po ndërtojmë diçka shumë të rëndësishme. Mungon akoma shumë rrugë, por deri tani kemi bërë gjëra shumë të rëndësishme. Jam i kënaqur me gjithçka. Asani, Bajrami, Seferi, Uzuni, janë lojtarë që marrin qendrën dhe godasin portën. Kemi edhe shumë lojtarë të tjerë shumë të mirë që gjuajnë nga distanca, si Laçi, etj.
Duhet të presim sepse kemi edhe dy ndeshje të tjera. Të shikojmë dhe sa pikë do marrim”, u shpreh Silvinjo. (A2 Televizion)
A2 CNN Livestream
MUND TE LEXONI GJITHASHTU
