Përjashtimi i deputetëve të opozitës, rrëzimi i Komisioneve Hetimore dhe bllokimi i Reformës Zgjedhore dhe moskonsiderimi i asnjë nisme ligjore ka bërë që deputetët e Partisë Demokratike të debatojnë ashpër në Komisionet Parlamentare dhe të braktisin mbledhjen. Ato akuzojnë qeverisë se kanë shkatërruar Kuvendin me qëndrimet e njëanshme, prandaj kanë vendosur edhe bojkotin e Komisioneve.
Në Komisionin e Ligjeve debati nisi për propozimin e Jorida Tabaku, për ligjin e prokurimeve, nismë që është rrëzuar nga mazhoranca. Për Tabakun, kjo është një tregues se qeveria nuk e përfill opozitën.
Klotilda Bushka: Këtej kërkoni të zbatohen rregullat.
Jorida Tabaku: Me shumë seriozitet, unë dhe disa kolegë të grupit kemi përgatitur një nismë ligjore, qëndrimi im ka qenë i qartë, nuk jemi këshilltarë të qeverisë, ne kemi bërë një propozim me shumë seriozitet që kemi që më 8 dhjetor që e kemi prezantuar, nëse ju na këshilloni t’ia çojmë sugjerimet qeverisë, dhe pastaj i merr apo jo nuk ka rëndësi, mua më duket e palogjikshme. Kjo është serioze, nuk ka gjë për të qeshur, se kuptoj zonja Felaj…
Ermonela Felaj: Vazhdo…
Deputetët demokratë largohen nga salla.
Nga ana tjetër, Komisioni i Veprimtarisë Prodhuese shtyu mbledhjen për më shumë se një orë për shkak të mungesës së deputetëve opozitarë, pa arritur që të krijojnë kuorumin. (A2 Televizion)
A2 CNN Livestream
MUND TE LEXONI GJITHASHTU
