Presidenti i Republikës, Bajram Begaj, ishte i ftuar në ceremoninë për 25-vjetorin e krijimit të shkollës së Magjistraturës, ku mbajti dhe një fjalim përshëndetës.
Për kreun e shtetit, kjo shkollë ka një mision strategjik për formimin e gjyqtarëve dhe prokurorëve në një kohë kur sistemi i drejtësisë ka nevojë për magjistratë të rinj, pas vakancave të krijuara nga vetting-u.
“Nga ana tjetër, Shkolla e Magjistraturës duhet të luajë një rol më aktiv dhe të përfitojë sa më shumë të jetë e mundur nga bashkëpunimi me partnerët, donatorët, strukturat dhe rrjetet homologe Evropiane dhe Amerikane.
Botimet dhe kërkimi shkencor të vijojnë të mbështeten e të jenë një instrument ndihmës në funksion të përmirësimit të punës dhe përmbushjes së përgjegjësive të gjithsecilit.
Me ndryshimet kushtetuese, Shkolla e Magjistraturës është përballë sfidave dhe përgjegjësive edhe më të mëdha.
Misioni strategjik i formimit profesional të gjyqtarëve, prokurorëve, avokatëve të shtetit, kancelarëve, ndihmësve dhe këshilltarëve ligjorë në programin e formimit fillestar apo atë të vazhduar, e vendos Shkollën e Magjistraturës në një pozicion shumë të rëndësishëm dhe kritik, duke qenë pragu i hyrjes së tyre në sistemin e drejtësisë”, tha Begaj. (A2 Televizion)
A2 CNN Livestream
MUND TE LEXONI GJITHASHTU
