5 milionë dollarë për përhapjen e sportit tek të rinjtë, Ylli: Do e bëjnë gjatë gjithë shkollimit

5 milionë dollarë do të jetë buxheti i destinuar sportit shqiptar, për një projekt tëri ku fokusi është përhapja e disiplinave të ndryshme tek të rinjtë, duke ndihmuar në mënyrë indirekte edhe federatat. Për presidentin e Komitetit Olimpik Kombëtar Shqiptar, ky është buxheti më i lartë për sportin shqiptar, për të mundësuar përhapjen e sportit edhe në sistemin shkollor. “Ky është një buxhet për të pasur mënyrë të fusim ekipet sportive në shkollë, nga klasa e gjashtë deri në universitete, pra për të mundësuar të rinjtë që gjatë gjithë formimit shkollorë të kenë mundësinë të merren me një sport. Qeveria pas një analize vlerësoi që projektin ta dërgoi te Komiteti Olimpik”, sqaron Ylli për A2 CNN. (A2 Televizion)