Artistë dhe qytetarë, mbështetës të çështjes së Teatrit Kombëtar, u mblodhën të enjten para godinës së Prokurorisë së Posaçme, SPAK.
Përmes saj ata kërkonin të dinin ç’kishte ndodhur me kallëzimet e tyre ndaj zyrtarëve të lartë shtetërorë, të akuzuar prej tyre për vepra nga “shpërdorim i detyrës”, “korrupsion”, “shkatërrim të pronës publike” dhe “vrasje të mbetur në tentativë”.
Ngulmuan te marrja e masave për “ngrirjen” e punës në sheshin e teatrit.
Ndërkohë që artistët vijojnë betejën e tyre, Gjykata Kushtetuese vlerësoi të kalojë për shqyrtim paraprak në Mbledhjen e Gjyqtarëve padinë e Presidentit të Republikës, Ilir Meta, të bërë pak ditë para shembjes së teatrit. Në këtë padi, Kreu i Shtetit kërkonte shfuqizimin e vendimit për kalimin e truallit të Teatrit Kombëtar në pronësi të Bashkisë, vendim që i hapi rrugë shembjes së godinës. (A2 Televizion)
A2 CNN Livestream
MUND TE LEXONI GJITHASHTU
