Pensioni minimal në vendin tonë do të shkojë 400 lekë të vjetra në muaj deri në 2029. Lajmin e dha në Off the Record me Andrea Dangllin në A2 CNN, deputetja e PS-së Milva Ekonomi, sipas të cilës rritja do të bëhet në mënyrë graduale dhe do të ndryshojë sipas kategorisë së pensionit.
“Pensioni rural do të shkojë 400 mijë lekë të vjetra në muaj deri në 2029”, tha Ekonomi në Off the Record me Andrea Dangllin në A2 CNN.
Ekonomi tha se janë rritur të ardhurat nga kontributet e sigurimeve shoqërore, si rezultat i luftës së informalitetit.
“Fondi që duhet për të shpenzuar nga sigurimet shoqërore nga 60% që ishte ka kaluar në 77% mbulimi dhe kjo është falë luftës së informalitetit dhe mbledhjes më të mirë të sigurimeve dhe shteti vë kontribut për të arritur ato objektiva”, theksoi ajo.
E pyetur sesa do të jetë paga e një penssionisti nga 1 janari Ekonomi u përgjigj: “Ka pensione të ndryshme. Pension i plotë me kohë të plotë urban do ta ketë bonusin e vetë 36 mijë lekë të reja më shumë në muaj. Një pension i pjesshëm ka për ta pasur bonusin e vetë mujor 16 mijë lekë të reja në muaj. Një pension rural 2 mijë lekë të reja në muaj, një pension familjar 1400 lekë të reja në muaj. Norma që kemi thënë në vitin 2029”.
(A2 Televizion)
A2 CNN Livestream
MUND TE LEXONI GJITHASHTU
