Janë pa diploma në duar edhe pse studimet i kanë përfunduar në muajin korrik apo shtator të vitit të shkuar.
Studentët e Fakultetit të Shkencave Sociale për muaj me radhë enden çdo ditë në dyert e sekretarisë, me shpresën se kartoni i diplomimit ka mbërritur. Por e vetmja përgjigje që marrin është ping-pongu i fajit dekanat-rektorat për vonesat.
“Kam 9 muaj që se kam marr diplomën, janë në degën time 300 studentë. Procesi ka mbetur në firmosjen e diplomave nga rektori”, u shpreh Diana Mjeshtri, studente.
“Vijmë në fakultet e na thonë që e ka fajin rektorati, shkojmë te rektorati na thonë që nuk janë dokumentacionet e rregullta nga sekretaria e dekanatit”, u shpreh Vilson Blloshmi, student.
Teuta Abazi, specialiste prokurimesh pranë Rektoratit, thotë se janë njohur me problemin. Sipas saj, diplomat kanë ardhur me shumë vonesë dhe pa dokumentacionet përkatëse.
Dekani i këtij Fakulteti, Edmond Rrapti, i tha A2, se diplomat janë çuar në kohë dhe me dokumentacion të rregullt. Pasoja është se edhe ata student që do mund të siguronin një vend pune e kanë pasur të pamundur, të tjerë nuk kanë mundur të ndjekin studimet në një vend europian.
Një vit më parë, të njëjtat vonesa u paraqitën edhe me studentët e Fakultetit Ekonomik në Tiranë. Burokracitë dhe moskoordinimi mes dekanateve dhe rektorateve paraqitet nga studentët si problem kryesor për mospajisjen me diploma në kohë. (A2 Televizion)
A2 CNN Livestream
MUND TE LEXONI GJITHASHTU
