Prokuroria ka nisur një hetim për ngjarjen e ndodhur sot paradite në Divjakë, ku një shtetase pretendon se është dhunuar nga drejtuesi lokal i Policisë. Sipas njoftimit të Ministrisë së Brendshme rezultatet do të publikohen në përfundim të hetimit.
“Nën drejtimin e Prokurorisë, SHÇBA po kryen veprime hetimore mbi gjithë rrethanat.
Ndërkohë, me urdhër të Drejtorit të Përgjithshëm të Policisë së Shtetit, ka nisur një hetim administrativ nga Drejtoria e Standardeve Profesionale.
Në fund të gjithë veprimeve hetimore administrative dhe verifikimeve të tjera nën drejtimin e Prokurorisë, do të bëhen publike rezultatet dhe masat e marra mbi rastin.
Policia e Shtetit mbetet e angazhuar për të përmbushur çdo detyrim ligjor, për të garantuar një proces zgjedhor të lirë e të qetë, si dhe rend e siguri publike”, thuhet në njoftimin e publikuar në faqen e ministrisë së Brendshme.
Paraditen e sotme kandidati për deputet i Partisë Demokratike në Divjakë denoncoi dhunën e ushtruar ndaj një qytetareje nga shefi i komisariatit të Policisë dhe kërkoi arrestimin e këtij të fundit. (A2 Televizion)
A2 CNN Livestream
MUND TE LEXONI GJITHASHTU
