Sam Rivers, basisti dhe anëtari themelues i grupit amerikan Limp Bizkit, ka ndërruar jetë në moshën 48-vjeçare.
Grupi e ndau lajmin në një postim në rrjetet sociale, duke e përshkruar Rivers jo "vetëm si basisti ynë", por "shpirti në tingull".
"Që nga nota e parë që luajtëm së bashku, Semi solli një dritë dhe një ritëm që nuk mund të zëvendësohej kurrë. Talenti i tij ishte i lehtë, prania e tij e paharrueshme, zemra e tij e jashtëzakonshme", shkruajnë anëtarët e grupit.
Shkaku i vdekjes së tij nuk është bërë i ditur.
Limp Bizkit, i përbërë nga Fred Durst, John Otto, DJ Lethal dhe Rivers, u formua në vitin 1994. Me stilin e tyre hip-hop rock dhe tekstet plot me fjalë të pista, ishte një tingull përcaktues i fundit të viteve '90 dhe i njihet merita për ndihmën që i dha muzikës metal.
Albumet e tyre hite përfshijnë Significant Other, Chocolate Starfish dhe Hot Dog Flavored Water, ndërsa ata patën sukses edhe me këngë të tilla si Take a Look Around dhe hiti numër një Rollin' (Air Raid Vehicle). (A2 Televizion)
A2 CNN Livestream
MUND TE LEXONI GJITHASHTU
