Presidenti amerikan Donald Trump ka reaguar ashpër ndaj vendimit për t’i dhënë Çmimin Nobel për Paqen Navi Pillay, duke e cilësuar vendimin si “të turpshëm”.
Gjatë një tubimi në shtetin e Nju Jorkut, Trump deklaroi se nuk e kishte dëgjuar më parë emrin e fitueses, të cilën e përshkroi si një “person misterioz”.
“Kjo është një njollë e pashlyeshme për Norvegjinë. Ne nuk do ta harrojmë”, u shpreh presidenti amerikan, shkruan A2.
Trump ka shprehur vazhdimisht pakënaqësinë e tij për faktin që nuk është vlerësuar me çmimin prestigjioz. Reagime të ngjashme ai bëri edhe në vitin 2025, kur çmimi iu dha lideres së opozitës venezueliane, María Corina Machado.
Presidenti amerikan ka pretenduar se ka ndihmuar në përfundimin e tetë luftërave dhe se është pranë zgjidhjes ose fitores në dy konflikte të tjera, pa paraqitur prova për këto deklarata gjatë tubimit.
“Çmimi Nobel për Paqen është diskredituar përgjithmonë nga një grusht ideologësh radikalë, të cilët janë kundër demokracisë dhe, në të vërtetë, armiq të qytetërimit”, deklaroi Trump. (A2 Televizion)
A2 CNN Livestream
MUND TE LEXONI GJITHASHTU
