Kryeministrja e Italisë, Giorgia Meloni, ka reaguar pas arrestimit të Matteo Messina Denaro-s, bosit të fundit të madh të Cosa Nostra, pas 30 vitesh arrati.
“Një fitore e madhe për shtetin që tregon se nuk dorëzohet përballë Mafias”, komentoi Meloni.
“Një ditë pas përvjetorit të arrestimit të Toto Riina-s, një tjetër bos i krimit të organizuar i dorëzohet drejtësisë”. “Pas 30 vitesh arrati ka përfunduar në pranga superbosi”, komentoi zv.kryeministri italian, Matteo Salvini.
Denaro konsiderohej si trashëgimtari i “fronit” të mafias siçiliane, që prej arrestimit të Toto Riina-s në vitin 1993 dhe kalimit në izolim të plotë të mikut të tij, Bernardo Provenzano.
Denaro është djali i Don Ciccio-s, bos i degës së Castelvetrano (Trapani), aleat historik i korleonezëve.
Ai ishte dënuar në mungesë me burgim të përjetshëm për dhjetëra vrasje, mes të cilave ajo e të voglit Giuseppe di Matteo, djali i një të penduari i cili u shkri në acid, pasi u mbajt peng për dy vite. Ai është dënuar edhe si pjesëmarrës në atentatet që i morën jetën dy prokurorëve më të famshëm të antimafias italiane, Giovanni Falcone dhe Paolo Borsellino dhe për disa ngjarje të tjera mafioze.
16 janari i vitit 2023 do të mbahet mend si dita që i dha fund arratisë së atij që konsiderohej si bosi i fundit i madh i Cosa Nostra. (A2 Televizion)
A2 CNN Livestream
MUND TE LEXONI GJITHASHTU
