Tre persona kanë rënë në prangat e Policisë së Tiranës për trafikim të armëve të zjarrit dhe të mbajtjes së tyre pa leje. Policia njofton se në pranga kanë rënë: I. D., 30 vjeç, M. Ç., 30 vjeç dhe F. D., 27 vjeç, të tre banues në Tiranë.
Gjatë operacionit të Policisë të koduar "Armatimi” janë sekuestruar edhe 1 armë zjarri mitraloz i lehtë, 2 automatikë, 1 armë zjarri pistoletë, 1 armë gjahu, municion luftarak dhe 3 aparate celularë.
Ky operacion u zhvillua pas informacioneve të marra në rrugë operative nga Komisariati 6 dhe strukturat hetimore dhe operacionale se këta 3 shtetas merreshin me shitjen e armëve të zjarrit. Ata u arrestuan në fshatin Vishnje.
Policia vijon punën për dokumentimin e plotë ligjor të kësaj veprimtari kriminale dhe identifikimin e personave të tjerë të përfshirë në të. (A2 Televizion)
A2 CNN Livestream
MUND TE LEXONI GJITHASHTU
