Policia e Shtetit ka arrestuar një tjetër person në kuadër të operacionit “Limit”, që ka vënë në pranga 57 persona dhe vënë në kërkim 7 të tjerë, pjesë e grupeve kriminale që operojnë në fushën e narkotrafikut në zonën e Korçës.
Bëhet fjalë për shtetasin Kastriot Hoxha, 40-vjeçar banues në fshatin Kurilë të Devollit.
Sipas forcave të rendit, personi, përpos trafikimit të lëndëve narkotike, transportonte emigrantë të paligjshëm, duke iu premtuar kalimin drejt vendeve të BE-së.
I gjykuar si person me rrezikshmëri të lartë, Hoxha është ndaluar pasi Gjykata për Krimet e Rënda në Tiranë, i ka caktuar masën e sigurisë “Arrest në burg”, për veprat penale “Grup i strukturuar kriminal” dhe “Ndihma për kalim të paligjshëm të kufijve”. (A2 Televizion)
A2 CNN Livestream
MUND TE LEXONI GJITHASHTU
