Më në fund Arsenali ka arritur të marrë pikët e plota në Premier League, pas 4 barazimeve radhazi. Me Xhakën e Mustafin në formacion, Arsenali mposhti 4-0 skuadrën e Newcastle.
Pjesa e parë e këtij takimi u mbyll me rrjeta të paprekura edhe pse Arsenali e dominoi atë dhe krijoi disa raste të pastra për shënim.
Në pjesën e dytë, miqtë u dorëzuan përballë topçinjve që realizuan 3 herë. Aubameyang realizoi në minutën e 54 golin e parë, ndërsa vetëm 3 minuta më pas, Pepe shënoi edhe golin e dytë, pasi kishte asistuar në të parin. Në fundin e ndeshjes pati vend edhe për dy gola të tjerë, të cilët u realizuan nga Ozil dhe Lacazette.
Por pavarësisht kësaj fitoreje, Arsenali mbetet shumë larg objektivave të fillimsezonit, pasi mban vendin e 10 me 34 pikë. (A2 Televizion)
A2 CNN Livestream
MUND TE LEXONI GJITHASHTU
