Sulmuesi italian Mario Balotelli është rikthyer sërish në qendër të vëmendjes së medias pas një lajmi se ka rënë viktimë e një shantazhi seksual. Prokuroria e Vicenza-s bën me dije se ka mbyllur hetimet ndaj një 18-vjeçareje, që sipas akuzave, tentoi të shantazhonte futbollistin e Brescia-s, me të cilin kishte pasur një marrëdhënie kur kishte qenë minorene.
Sipas të dhënave, siç raporton gazeta 'Giornale di Vicenza', e reja i kishte kërkuar 100 mijë euro Balotellit si shpërblim, në të kundër do ta denonconte për dhunë seksuale.
Në kohën kur ishte lidhur me SuperMarion, vajza ishte 17 vjeç, por lojtarit i kishte thënë gjatë gjithë kohës se ishte maxhorene.
Avokati i saj kontaktoi dhe me të përjavshmen “Chi”, të cilës tentoi që t’ia shiste këtë lajm. Balotelli nuk ra pre e kërcënimeve dhe menjëherë bëri denoncimin në polici. (A2 Televizion)
A2 CNN Livestream
MUND TE LEXONI GJITHASHTU
