Në ditën e kurorëzimit të tij, tifozët e futbollit në të gjithë botën pyesin veten se kush është ekipi i zemrës i Mbretit Charles III.
Familja Mbretërore ka një histori të gjatë me sportin më të dashur në Evropë, me Mbretëreshën që mendohet se ishte tifoze e West Ham, duke qenë se pëlqente shumë ish-trajnerin e këtij ekipi dhe të kombëtares angleze, Ron Greenwood.
Dihet se Princi William është tifoz i flaktë i Aston Villa që në fëmijëri, por kë mbështet Mbreti?
Në vitin 2012, Charles III tha se një udhëtim bamirësie në zonë, ka bërë që të mbështesë ekipin e Burnley.
“Një konsorcium i kompanive bamirëse të mia punojnë në Burnley dhe ekipi i këtij qyteti është ai që mbështes. Burnley ka kaluar kohë shumë të vështira dhe po mundohem ta ringre”, deklaronte Mbreti.
Burnley është aktualisht në kategorinë e dytë të futbollit anglez dhe trajner i ekipit është legjenda e futbollit belg, Vincent Kompany. (A2 Televizion)
A2 CNN Livestream
MUND TE LEXONI GJITHASHTU
