Napoli ka marrë një tjetër fitore në Serie A dhe këtë e ka bërë në transfertën e vështirë ndaj Sassuolos. E udhëhequr nga Kvaratskhelia dhe Osimhen, skuadra e Spalletti-t nuk e pati aspak të vështirë të merrte pikët e plota nga kjo sfidë, madje duke fituar me rezultatin e pastër 0-2.
Gjeorgjiani ishte autor i një goli spektakolar në fillimin e pjesës së parë, ndërsa më pas realizoi edhe Osimhen. Në formacionin e Sassuolos në këtë takim ishte edhe mesfushori shqiptar Nedim Bajrami, i cili u transferua nga Empoli në merkaton e janarit.
Pas këtij triumfi, Napoli e bën thuajse të pamundur mundësinë e rihapjes së kampionatit duke qenë se tashmë e sheh veten në +18 pikë nga Interi i vendit të dytë. (A2 Televizion)
A2 CNN Livestream
MUND TE LEXONI GJITHASHTU
